2017/06/23

Eraikin-egitura onenaren saria eman diote Orona Zerori

Orona Zero eraikinari eman diote Egitura Hormigoiaren Elkarte Zientifiko-Teknikoak antolatzen duen Egitura Ingeniaritzako III. ACHE saria. Eraikin horretan dago Orona konpainiaren egoitza nagusia.
Eraikin-egitura onenaren saria eman diote Orona Zerori

Orona Zero da Orona Ideoren gune nagusia, enpresa, ikerkuntza eta hezkuntza eremu berean biltzen dituen berrikuntza-ekosistema aparta. Xabier Barrutieta, Eneko Goikoetxea, Javier de la Fuente eta Santiago Pérez arkitektoek diseinatua da Orona Ideo. “Eraikina jasangarritasunaren erreferentzia bihurtzea, hori zen gure asmoa, eta energia-kontsumorik apenas duten eraikinen filosofia gauzatzea", dio arkitektoetako batek.

ACHEko eta beste zenbait erakundetako ordezkariek osatu dute aurtengo sariketaren, hirugarrengoaren, epaimahaia: Madrileko Unibertsitate Politeknikoko Bide Ingeniarien Eskolakoek, Coruñako unibertsitateko Bide Ingeniarien Eskolakoek, Eduardo Torroja Eraikuntzako Zientzia Institutukoek, Bide Ingeniarien Elkargokoek eta Arkitektoen Kontseilu Nagusikoek. Egitura-hormigoiaren garapenari eta, oro har, egiturei egindako ekarpenagatik jaso du saria Orona Zerok. 

Oso positiboa izan da Oronaren balorazioa, aitortu egiten baitu sariak Orona Zeroren garrantzia zenbait alderdiri dagokienez: diseinua, jasangarritasuna, berrikuntza eta, kasu honetan, egitura.  

Ekainaren 21ean izan da sari-banaketa, Coruñan, eta ekitaldian Maria de los Ángeles Ríos egon zen, Galiziako Oronaren zuzendaria, zeinari oroigarrizko plaka bat eman zioten, Hernaniko eraikinean jar dezan. Horrez gain, diploma bana eman zitzaien eragile hauei: obraren sustatzaileari (Orona), proiektugileari (MC2) eta egituraren fabrikatzaileari (URSSA).Proiektuaren arkitektoek ere aipamen bat jaso zuten.

Itzuli albisteetara

Albiste artxiboa

Komunikazio korporatiboa

Prentsa-txostena

Orona Taldeari buruzko informazioa komunikabideentzat

Deskargatu [200 kb]